हामी सबैकाे संसारन्यूज

८ भदौँ, काठमाडौँ । भारतमा कोरोना भाइरसबाट संक्रमित हुनेको संख्या ३१ लाख नाघेको छ । वल्डोमिटरका अनुसार भारतमा अहिलेसम्म कोरोना संक्रमितको संख्या ३१ लाख ५ हजार १ सय ८५ रहेको छ भने संक्रमणबाट मृत्यु हुनेको संख्या ५७ हजार ६ सय ९२ पुगेको छ ।

पछिल्लो २४ घण्टामा ६१ हजार ७ सय ४९ नयाँ कोरोना संक्रमितहरु भेटिएका छन भने संक्रमणबाट ८ सय ४६ जनाको मृत्यु भएको छ ।

भारतमा अहिले पनि ७ लाख १० हजार ६ सय ६९ जना संक्रमित अवस्थामै रेहेका छन भने २३ लाख ३६ हजार ७ सय ९६ जना कोरोना मुक्त भएका छन ।

विश्वभरमा कोरोना भाइरसबाट संक्रमित हुनेको संख्या २ करोड ३५ लाख ८४ हजार ८४ रहेको छ भने ८ लाख १२ हजार ५ सय १७ जनाको मृत्यु भएको छ