Sansar News
९ भदौ, काठमाडौं । सातको तेस्रो दिन मंगलबार पनि नेप्से उकालो लागेको छ । मंगलबारको कारोबारमा परिसूचक ९.३४ अंकले बढेर १४४०.९४ बिन्दुमा पुगेको हो । त्यस्तै ठूला कम्पनीहरुको कारोबार मापक सेन्सेटिभ पनि ०.८३ अंकले बढेर २९३.९७ बिन्दुमा पुगेको छ ।
आज सूचिकृत मध्ये १८९ कम्पनीको १ अर्ब ८५ करोड ५१ लाख ८० हजार ५१० रुपैयां बराबरको ३९ लाख ४० हजार ६९१ कित्ता सेयर किनबेच भयो भने तिनीहरुको कारोबारमा २४ हजार १०१ पटक लेनदेन भएको नेप्सेले जनाएको छ ।
ब्यापार, उत्पालदनमूलक र सामूहिक लगानीकोष बाहेक सबै ९ वटै कम्पनी उपसूचक समूहको परिसूचक बढ्दा जीबन बीमा कम्पनी समूहका लगानीकर्ताहरुले सबै भन्दा धेरै कमाएका छन ।
आज नेपाल पूनर्बीमा कम्पनीका लगानी कर्ताले सबैभन्दा धेरै ४८ अंकले कमाएका छन भने सो कम्पनीका ४ लाख ४३ हजार २४३ कित्ता सेयरको किनबेचबाट २८ करोड ७४ लाख ५ हजार ८९८ रुपैंयाँ बराबरको कारोबार गरेको छ । सो कम्पनीको मात्र ३ हजार ७०३ पटक लेनदेन भएको छ ।
त्यस्तै बिशाल बजार, जनउत्थान सामूदायी लघुबित्त लगायतका लगानीकर्ताले सबैभन्दा धेरै गुमाएका छन ।
वि.सं.२०७७ भदौ ९ मंगलवार १६:३५ मा प्रकाशित
