Sansar News
अचानक मध्य रातमा डराएर व्युँझेँ,
सपनाबिचमै मेरो खास मान्छे हराएर व्युँझेँ ।१।
लाखौँको भीडले प्रभाव पारेन मलाई,
म मेरै खास मान्छे मन पराएर व्युझेँ ।२।
कसैको नखरा र हाउभाउ हेर्नु छैन मलाई,
मेरै खास मान्छे नहुँदा छट्पटाएर व्युँझेँ ।३।
सुविचारको प्रभाव अवश्य पर्छ खास मान्छेको,
मस्त निन्द्रामा पनि आँखो फर्फराएर व्युँझेँ ।४।
देख्यौ कि कसैले हे सज्जनहरू हो ?
भनी चिच्चाहट गर्दै बर्बराएर व्युँझेँ ।५।
आऊ खास मान्छे तिमी जहाँ भए पनि,
नहराऊ न यसरी भनी कराएर व्युँझेँ । ६।
तेह्रथुम छातेढुङ्गा,हाल-विर्तामोड,झापा
वि.सं.२०७७ भदौ १३ शनिवार ०८:१८ मा प्रकाशित
