Sansar News
१५ भदौ, काठमाडौं । चितवनको भरतपुुुर अस्पतालका डाइलासिस युनिटका चिकित्स तथा नर्सिङ कर्मचारीमा कोरोना संक्रमण देखिएको छ ।
अस्पतालले उक्त युनिटका कर्मचारीहरुमा कोरोना संक्रमण देखिएकोले नियमित डाइलासिस सेवा सम्बन्धी विरामीलाई अस्पतालबाटै सम्पर्क गरी पालो मिलाई सेवा दिइने सूचना जारी गरेको छ ।
अस्पतालद्धारा आज जारी गरिएको उक्त सूचनामा अर्को सूचना जारी नहुँदासम्म इमरजेन्सी डाइलासिस सेवा मात्र प्रदान गरिने बताइएको छ ।
अस्पतालका सूचना अधिकारी लिलाधर पौडेलका अनुसार अस्पतालका झण्डै २१ स्वास्थ्यकर्मीमा कोरोना संक्रमण देखिएको र उनीहरु अस्पतालकै आइसोलेसनमा उपचाररत रहेका छन् । उक्त अस्पतालमा पछिल्लो अपडेट अनुसार ७५ जना कोरोना संक्रमितको उपचार भइरहेको छ ।
वि.सं.२०७७ भदौ १५ सोमवार २०:५६ मा प्रकाशित
