हामी सबैकाे संसारन्यूज

१६ भदौँ, काठमाडौँ । सन्दिप लामिछाने आवद्ध टिम जमैका तलैवाजको सातौँ खेल आज बेलुका ट्रिनबागो नाइट राइडर्स विरुद्ध हुन गईरहेको छ ।

जमैकाले अहिलेसम्म सिपिएलमा ६ खेल खेल्दा ३ खेलमा जित निकालेको छ भने ३ खेलमा हारको सामना गरेको छ । ट्रिनबागो नाइटराइडर्सले भने सिपिएलमा अहिलेसम्म हारको सामना गरेको छैन । ट्रिनबागो नाइट राइडर्सले ६ खेल खेल्दा ६ वटा मैँ जित निकालेको छ ।

यस सिजना जमैका तलैवाज पहिले पनि ट्रिनबागो नाइट राइडर्र्ससँग ७ विकेटले पराजित भईसकेको छ ।

ट्रिनबागो नाइट राइडर्स विरुद्ध पहिले भएको भएको खेलमा सन्दिपले ४ ओभरमा ३० रन दिदैँ १ विकेट निकालेका थिए । पहिले राम्रो प्रदर्शन गरिसकेको कारणले गर्दा सन्दिप लामिछाने यस खेलमा पनि  प्लेइङ्ग इलेवनमा पर्ने सम्भावना उच्च रहेको छ ।

खेल नेपाली समय अनुसार आज बेलुमा ७:४५ बाट सुरु हुनेछ ।