हामी सबैकाे संसारन्यूज

१८ भदौ, काठमाडौं । लक्ष्मी बैंक लिमिटेडको सञ्चालक समितिको अध्यक्षमा श्री रमण नेपाल भएका छन् । बैंकको सञ्चालक समितिको बुधबार सम्पन्न बैठकले नेपाललाई अध्यक्ष पदमा नियुक्त गर्ने निर्णय गरिएको हो । नवनियुक्त अध्यक्ष नेपालले बुधबार नै नेपाल राष्ट्र बैंकका गभर्नर समक्ष विद्युतीय माध्यम (अनलाइन)बाट अध्यक्ष पदको सपथ समेत लिएका छन ।

नव नियुक्त अध्यक्ष नेपालले बैंकको संस्थापक शेयरधनी नागरिक लगानी कोषको तर्फबाट २०७५ फाल्गुणदेखि बैंकको सञ्चालक समितिमा प्रतिनिधित्व गर्दै आएका थिए । नेपाल राष्ट्र बैंकमा ३० वर्ष सेवा अवधि पुरा गरी निर्देशकको पदबाट सेवानिवृत्त भएका अध्यक्ष नेपाल हाल नागरिक लगानी कोषमा कार्यकारी निर्देशकका रुपमा कार्यरत छन् ।