Sansar News
१८ भदौ, काठमाण्डौं । बालुवाटारमा भर्खरै सम्पन्न नेकपा सचिवालयको बैठकले सो पार्टीको उपाध्यक्ष बामदेव गौतमलाई राष्ट्रिय सभाको रिक्त सदस्यमा पठाउने निर्णय गरेको छ ।
बैठकको विचमा पार्टी अध्यक्ष तथा प्रधानमन्त्री केपी शर्मा ओलीले सो प्रस्ताव निणायार्थ पेश गरेपछि बामदेवको पछिल्लो माग पूरा भएको हो ।
नेकपाको गत मंसिरमा सम्पन्न बैठकले बामदेवलाई राष्ट्रिय सभामा सिफारिस गरे पनि प्रधानमन्त्री ओलीका तर्फबाट सो निर्णय कार्यान्वयन गर्न ढिलाई हुँदै आएकाले नेकपा भित्र सो प्रकरण विवादको एउटा पाटो बनेको थियो ।
आजको बैठकले यसअघिको कार्यदलका अन्य प्रस्तावलाई स्थायी समितिमा लैजाने बारे पनि थप छलफल गरिएको बताइएको छ ।
वि.सं.२०७७ भदौ १८ बिहीवार १८:४२ मा प्रकाशित
