Sansar News
१८ भदौ, काठमाडौँ । सेवाग्राहीसँग घुस लिएको अभियोगमा रुपन्देही रोहिणी गाउँपालिका –२ का वडाध्यक्ष सरोजकुमार पाण्डेलाई अख्तियार दुरुपयोग अनुसन्धान आयोग बुटवल कार्यालयले आज नियन्त्रणमा लिएको छ ।
सहकारीबाट अनुदानका लागि सहजीकरण गरिदिएवापत सेवाग्राहीसँग रु ४५ हजार घुस मागेको र रु २० हजार रुपैयाँ लिइसकेको प्रमाणका आधारमा वडाध्यक्ष पाण्डेलाई नियन्त्रणमा लिइएको अख्तियाकार प्रवक्ता तारानाथ अधिकारीले जानकारी दिए ।
पाण्डेलाई वडा कार्यालय परिसरबाटै नियन्त्रणमा लिएर थप अनुसन्धान थालिएको बताइएको छ ।
वि.सं.२०७७ भदौ १८ बिहीवार १८:३३ मा प्रकाशित
