हामी सबैकाे संसारन्यूज

२२ भदौँ, काठमाडौँ । सन्दिप लामिछाने आवद्ध टिम जमैका तलैवाज सेन्ट लुसिया जुउक्ससँग ११ रनले पराजित भएको छ ।

टस जितेर पहिले ब्याटिङ्ग गरेको सेन्ट लुसिया जुउक्सले आफ्नो २० ओभरमा ६ विकेट गुमाउदैँ १४५ रन बनाएको थियो । सेन्ट लुसिया जुउक्सका लागि नजीबुल्ला जादरनले सर्वाधिक ३५ रन बनाएका थिए । जमैका तलैवाजका लागि बलिङ्गमा मुजीब उर रहमानले सर्वाधिक २ विकेट लिएका थिए ।

नेपाली युवा लेग स्पिनर सन्दिप लामिछानेले सिपिएलमा लगातार राम्रो प्रदर्शन गरिरहेकान छन । उनले आफ्नो ४ ओभरमा २० रन दिदैँ १ विकेट निकालेका थिए । उनले १४।२ ओभरमा २१ बल खेल्दैँ २५ रन बनाएका नजीबुल्लाह जदरानको विकेट निकालेका थिए ।

सेन्ट लुसिया जुउक्सले दिएको १४६ रनको लक्ष्य जमैका तलैवाजले पुरै २० ओभर खेल्दा पनि पुरा गर्न सकेन। जमैकाले २० ओभरमा २० ओभरमा ९ विकेट गुमाएर १३४ रन मात्र बनाउन सक्यो ।

जमैकाका लागि ग्लेन फिलिप्सले सर्वाधिक ४९ रन बनाएका थिए । सेन्ट लुसियाका लागि जाहिर खानले सर्वाधिक ३ विकेट लिए ।