हामी सबैकाे संसारन्यूज

काठमाडौं – ३ वर्ष अगाडि देखि रोकिएको जग्गा कित्ताकाट सरकारले खुल्ला गरेको छ । भुमि व्यवस्थापन तथा अभिलेख विभागले १९ भदौमा सुचना जारी गर्दै कृषि योग्य भुमीको खण्डिकरण सम्बन्धि पुर्व भएका निर्णयलाई बदर भएको जनाएको छ ।

भदौ १८ गते मन्त्रीस्तरबाट निर्णय भई विभागको मातहतका कार्यालयलाई सुचना जारी गर्नु भनि निर्देशन आएकोले सो कुराको अनुरोध गरिएको विभागवाट जारी सुचनामा उल्लेख गरिएको छ । सो सुचना सँगै अब कृषि योग्य जग्गाको खण्डिकरण गरि खरिद विक्री गर्न पाइने छ । जसले गर्दा जग्गा व्यवसायि खुसी भएका छन् ।

३ वर्ष पहिले तत्कालिन भुमि व्यवस्था मन्त्री गोपाल दहितले कृषि योग्य भुमि खण्डिकरण गर्न नदिन भन्दै जग्गाको कित्ताकाट रोकेका थिए । खाद्य सुरक्षा र सम्प्रभुताको संबैधानि प्रत्याभुतिलाई सुनिश्चित गर्न जग्गाको कित्ताकाट रोकिएको थियो । तत्कालिन सरकारले कृषियोग्य भुमिको कित्ताकाट रोकेको विषयलाई सम्बन्धित व्यवसायि बाहेक सबै पक्षले स्वागत गरेका थिए ।