हामी सबैकाे संसारन्यूज

काठमाडौं । आर्थिक वर्ष २०७६/०७७ मा बिमाको क्षेत्रमा काम गर्ने २० वटा निर्जीवन बिमा कम्पनीले २ लाख ६७ हजार ४ सय ६९ वटा चारपांग्रे र दुइपांग्रे मोटरको लागि बिमालेख जारी गरे । जसमा २ अर्ब ७ करोड २२ लाख ४ हजार रुपैयाँ बिमांक रकम जम्मा भएको थियो भने बिमा कम्पनीहरुले जम्मा ८४ करोड ४१ लाख ६१ हजार बिमा दावी भुक्तानी गरेका थिए ।

मोटर प्रयोगकर्ता वा व्यवसायीले कुन बिमा कम्पनीलाई बढि विश्वास गरे ?

आर्थिक वर्ष २०७६/०७७ मा भएको मोटर बिमाको तथ्यांकलाई हेर्दा सबैभन्दा धेरै मोटरको बिमा गर्न शिखर ईन्स्योरेन्स कम्पनी सफल भएको छ । शिखरले उक्त आर्थिक वर्षमा ३३ हजार २ सय ८५ वटा सवारी साधनको लागि बिमालेख जारी गर्न सफल भयो ।

सवारी साधनको अधिक बिमालेख जारी गर्नेमध्ये दोस्रोमा एन.एल.जी. ईन्स्योरेन्स कम्पनी रहेको देखिन्छ, जसले ३३ हजार १ सय ९ वटा सवारी साधनको बिमा गर्न सफल भएको थियो । यसैगरि सवारी साधनको क्षेत्रमा बिमालेख जारी गर्ने मध्ये तेस्रो स्थानमा सगरमाथा ईन्स्योरेन्स कम्पनी लिमिटेड ले २७ हजार ३ सय ८९ वटाको बिमालेख जारी गर्न सफल रहेको तथ्यांकमा देखिन्छ ।

हेर्नुहोस कुन बिमा कम्पनीले आर्थिक वर्ष २०७६/०७७ मा कति सवारी साधनको ईन्स्योरेन्स गरे ?