हामी सबैकाे संसारन्यूज

२७ भदौँ, काठमाडौँ । इंल्याण्ड र अष्ट्रेलिया बिचको पहिलो एकदिवसीयमा इंल्याण्ड१९ रनले पराजित भएको छ ।

टस हारेर पहिले ब्याटिङ्ग गरेको अष्ट्रेलियाले ५० ओभरमा ९ विकेट गुमाएर २९४ रन बनाएको थियो । अष्ट्रेलियाका लागि ब्याटिङ्गमा ग्लेन म्याक्सवेलले ५९ बलमा ७७ रनको विस्फोटक पारी खेलेका थिए । त्यसैगरि मिचल मार्सले पनि १०० बलमा ७३ रनको पारी खेलेका थिए । इंल्याण्डका लागि बलिङ्गमा भने जोफ्रा आर्चर र मार्क वुडले ३\३ विकेट लिएका थिए ।

अष्ट्रेलियाले दिएको २९५ रनको लक्ष्य इंल्याण्डले ५० ओभरमा पुरा गर्न सकेन । इंल्याण्डले ५० ओभरमा ९ विकेट गुमाएर २७५ रन मात्र बनाउन सक्यो । इंल्याण्डका लागि साम विलिंग्सले आफ्नो एकदिवसीय क्रिकेटको पहिलो सतक बनाएका थिए । उनी ११० बल खेल्दैँ ११८ रन बनाएर आउट भएका थिए । अष्ट्रेलियाका लागि बलिङ्गमा एडम जाम्पाले सर्वाधिक ४ विकेट लिएका थिए ।

पहिलो एकदिवसीयमा अष्ट्रेलियाले १९ रनले जित निकालेसँगै ३ खेलको एकदिवसीय श्रृखलामा १-० ले अग्रता लिएको छ ।