हामी सबैकाे संसारन्यूज

२९ भदौ, काठमाडौं । हाल देशभर सामान्य बदली रही प्रदेश १, प्रदेश २, गण्डकी प्रदेश र प्रदेश ५ का केही स्थानहरु र अन्य प्रदेशका थोरै स्थानमा वर्षा भइरहेको छ ।

आज दिउँसो देशभर सामान्यतया बदली रही केही स्थानहरूमा मेघगर्जन र चट्याङ्ग सहित हल्का देखि मध्यम वर्षाको सम्भावना रहेको छ ।

त्यसैगरी आज प्रदेश १, प्रदेश २, वाग्मती प्रदेश, गण्डकी प्रदेश, प्रदेश ५ र सु.प. प्रदेशका एक वा दुई स्थानहरुमा भारी वर्षाको सम्भावना रहेकोले ती स्थानहरुका नदीमा पानीको बहाव बढ्ने, पहाडी क्षेत्रमा पहिरो जाने, सडक तथा हवाई यातायात प्रभावित हुन सक्ने भएकोले आवश्यक सतर्कता अपनाउन पनि जल तथा मौसम पूर्वानुमान महाशाखाले अनुरोध गरेको छ ।

आज यी नदिमा पानीको बहाव बढ्न सक्ने सम्भावना
आज कोशी, कन्काई जलाधारका केहि साना सहायक नदीमा बहाब बढ्ने र केहिमा आकस्मिक बहाब भई सतर्कतासम्म पुग्न सक्ने छ भने प्रदेश १, प्रदेश २, बागमती प्रदेश, गण्डकीको चुरे र तराई भई बहने केहि साना नदीमा बहाव बढ्ने, केहिमा आकस्मिक बहाब हुन सक्ने पनि महाशाखाले जनाएको छ ।