हामी सबैकाे संसारन्यूज

२९ भदौँ, काठमाडौँ । इंल्याण्ड र अष्ट्रलिया बिचको दोस्रो एकदिवसीयमा इंल्याण्ड २४ रनले विजयी भएको छ ।

टस जितेर पहिले ब्याटिङ्ग गरेको इंल्याण्डले ५० ओभरमा ९ विकेट गुमाएर २३१ रन बनाएको थियो । इंल्याण्डका लागि ब्याटिङ्गमा कप्तान इयोन र्मोगनले सर्वाधिक ४२ रन बनाएका थिए भने अष्ट्रलियाका लागि बलिङ्गमा एडम जाम्पाले १० ओभरमा ३६ रन दिदैँ ३ विकेट लिएका थिए ।

इंल्याण्डले दिएको २३२ रनको लक्ष्य पछाएको अष्ट्रलियाले ४८.४ ओभरमा २०७ रन बनाएर सबै विकेट गुमाउन पुग्यो । अष्ट्रलियाका लागि कप्तान एरण फिंचले सर्वाधिक ७३ रन बनाएका थिए । इंल्याण्डका लागि बलिङ्गमा क्रिस वक्स, जोफ्रा आर्चर र साम करणले ३-३ विकेट लिन सफल भएका थिए ।

दोस्रो एकदिवसीयमा इंल्याण्डले २४ रनले जित निकालेसँगै ३ खेलको एकदिवसीय श्रृखला १-१ को बराबरीमा आएको छ ।