हामी सबैकाे संसारन्यूज

२९ भदौ, काठमाडौं । एन आईसि एसिया बैंकले ७.७५ प्रतिशत ब्याजदरमा सेयर धितो राखेर कर्जा प्रबाह गर्ने भएको छ । बैंकद्वारा आइतबार जारी गरिएको बिज्ञप्ति अनुसार “लोन एगेन्स्ट सेयर” नाम दिएको सो योजना मार्फत १ करोड देखि १५ करोडसम्मको कर्जा प्राप्त गर्न सकिने छ । त्यस्तै ५० लाखसम्म ओभर ड्राफ्ट पनि लिन सकिने बैंकले जनाएको छ ।

‘बैंक पनि साथी पनि, राम्रो पनि हाम्रो पनि’ भन्ने मूल नाराका साथ लाखौं ग्राहकहरुमाझ गतिशील बैंकिङ्ग अभ्यासद्वारा ग्राहक केन्द्रीत आकर्षक कर्जा योजनाहरू पस्किने क्रममा एन आई सी एशिया बैंकले यो योजना सार्बजनिक गरेको हाे ।

गतिशील बैंकिङ्गको अभ्यास गर्दै आम ग्राहक महानुभावहरूको आवश्यकता, बजार तथा समयको मागहरूलाई उचित पहिचान गरी यस बैंकले ग्राहकहरूमाझ नेपालको बैंकिङ्ग क्षेत्रकै सर्वाधिक न्यूनतम ब्याजदर वार्षिक ७.७५ प्रतिशत रहेको उक्त कर्जा योजना सार्वजनिक गरेको हो ।

यो योजनामा सहभागी हुने सेवाग्राहीले नेपाल स्टक एक्सचेन्जमा सूचीकृत कुनैपनि कम्पनीकोे साधारण शेयर बैंकमा धितो राखेर कर्जा लिन सक्नेछन् । त्यसकालागि १२० दिनको शेयरको औसत बजार मूल्य वा पछिल्लो कारोबार मूल्यमध्ये जुन कम छ, त्यसको ७० प्रतिशतसम्म कर्जा प्राप्त गर्न सकिने बैंकले जनाएको छ ।

सर्वाधिक न्यूनतम ब्याजदर रहेको बैंकको यस कर्जा योजना मार्फत सेवाग्राहीहरुलाई सहज रुपमा कर्जा प्रदान गर्ने रणनीति अनुरुप सम्पूर्ण आवश्यक कागजात प्राप्त भए पश्चात्को ४८ घण्टाभित्र नै कर्जा उपलब्ध गराउने व्यवस्था गरेको बैंकले जनाएको छ । यस सम्बन्धी जानकारी लिनको लागि ३४४८८ मा लोन टाइप गरी एस एम एस वा बैंकको निःशुल्क नम्बर १६६०–०१–७७७७१ मा फोन गरी थप जानकारी प्राप्त गर्न सकिने व्यवस्था पनि बैंकले गरेको छ ।

बैंकलाई आम जनमानसले गरेको प्रगाढ विश्वास, अगाध स्नेह र बैंकप्रतिको भरोसाले गर्दा यस बैंकको मुलुकभर ३२६ शाखा कार्यालयहरू, ४६६ एटिएम, १०२ वटा एक्स्टेन्सन काउण्टर एवं ६४ वटा शाखा रहित बैंकिङ्गमार्फत् बैंकिङ्ग सेवा प्रदान गर्ने मुलुककै सबैभन्दा ठूलो शाखा सञ्जाल भएको बैंक हो । २१ लाख भन्दा बढी ग्राहक महानुभावहरूका साथ सञ्चालनमा रहेको यस बैंकका प्रमुख वित्तीय परिसूचकहरू अत्यन्त उत्साहप्रद रहेका छन् । उत्तरदायी बंैकिङ्गको अभ्यास गर्दै आएको यस बैंकले प्रत्यक्ष र अप्रत्यक्ष गरी गत आर्थिक वर्षमा करिब रू.१ अर्ब ८७ करोड भन्दा बढी राजश्व नेपाल सरकारलाई भुक्तानी गरिसकेको छ भने वित्तीय समावेशिकरणका लागि मुगु, कालिकोट, बझाङ, रूकुम, जुम्ला, सल्यान जस्ता बैंक तथा वित्तीय संस्थाहरूको उपस्थिति न्यून रहेका दुर्गम जिल्लाहरूमा तथा कुनै पनि बैंक तथा वित्तीय संस्थाहरू नपुगेको ३४ भन्दा बढी स्थानीय निकायहरूमा शाखा विस्तार गरी सञ्चालन गर्दै आइरहेको पनि बैकले जनाएको छ ।