Sansar News
३० भदौ, काठमाडौं । कोरोना माहामरीका बीच पनि इलामेलीहरुको विश्व भेला हुने भएको छ । यहि असोज ३ गते शनिबार (तदनुसार सेप्टेम्बर १९, २०२०) का दिन साँझ ५.३० बजे वेवनार मार्फत उक्त भेला हुन लागेको हो ।
जिल्ला समन्वय समिति इलामको संयोजनमा सो भेला हुन गैरहेको बताईएको छ । भेलाको तयारीमा इलामेली समाज प्रदेश नं. १, इलाम विकाश समाज, काठमाडौ तथा ईलाम जन्मथलो भई संसारभरी कर्मथलो बनाएका ईलामेलीहरु संबद्ध संघसंस्थाहरु जुटेका छन् । सो भेला आयोजनाको संयोजकको रुपमा जिल्ला समन्वय समिति ईलामका प्रमुख गणेश बराल रहेका छन् ।
त्यस्तै सदस्यहरुमा राधेश्याम लेकाली, कृष्ण शाह, मोहनकुमार सुवेदी, प्रदीप घिमिरे, ईश्वर श्रेष्ठ, अर्जुन श्रेष्ठ, सरस्वती कर्माचार्य, यशोदा कायस्थ, तिलत्तोमा खत्री रहेका छन् । सदस्य सचिवमा भने अर्जुन भट्टराई रहेका छन् ।
भेलाको उद्देश्य इलामको स्वास्थ्य, शिक्षा, कृषि, र पर्यटनको प्रवद्र्धनमा केन्दित्र हुने ईलामेली समाज सुनसरीका सचिब सुरेन्द्र घिमिरेले जानकारी दिएका छन ।
सो कार्यक्रममा पूर्ब प्रधानमन्त्री तथा नेकपाका नेता झलनाथ खनाल, पूर्व सभामुख सुवास चन्द्रनेम्बाङ, नेपाली कांग्रसका नेता केबी गुरुङ सहितको सहभागिता रहने आयोजकले जानकारी दिएका छन् ।
वि.सं.२०७७ भदौ ३० मंगलवार १५:५२ मा प्रकाशित
