Sansar News
३० भदौ, काठमाडौँ । सरकारले असोज १ बाट होटल तथा रेष्टुरेन्टहरु पनि खोल्ने निर्णय गरेको छ ।
कोरोना भाइरसको महामारीलाई मध्यनजर गर्दै गत चैत ११ मा लगाइएको लकडाउनपछि बन्द रहेका होटल रेष्टुरेन्टहरु अब खुल्ने भएका छन् । सोमबारको मन्त्रिपरिषद्को बैठकले होटल तथा रेष्टुरेन्टहरु खोल्ने निर्णय गरेको हो ।
यस्तै ट्रेकिङ तथा ट्राभल व्यवसाय पनि सञ्चालन गर्न सकिने जनाइएको छ।
तर सरकारले शैलुन, ब्युटि पार्लर, स्वीमिङ पुल, सिनेमा हल, डान्सबार भने तत्काल नखोल्ने भएको छ । त्यस्तै शैक्षिक संस्था, सभा सम्मेलन गोष्टि गर्न, प्रदर्शन भेला गर्न पनि नपाइने भएको छ ।
वि.सं.२०७७ भदौ ३० मंगलवार २०:४५ मा प्रकाशित
