हामी सबैकाे संसारन्यूज

असोज ६, काठमाडौँ । रोयल च्यालेन्जर्स बेङ्गलोरले आफ्नो पहिलो खेलमा जित निकाल्दैँ आईपिएलमा विजयी सुरुवात गरेको छ । हिजो राति रोयल च्यालेन्जर्स बेङ्गलोर र सनराइजर्स हैदरावाद बिच भएको खेलमा बेङ्गलोर हैदरावादलाई १० रनले पराजित गरेकोे हो ।

टस हारेर पहिले ब्याटिङ्ग गरेको बेङ्गलोरले २० ओभरमा ५ विकेट गुमाएर १६३ रन बनाएको थियो । बेङ्गलोरका लागि आईपिएलको पहिलो खेल खेलिरहेका देवदत्त पाडीकलले सर्वाधिक ५६ रन बनाएका थिए । त्यसैगरि एबी डि भिलियर्सले पनि३० बलमा ५१ रनको विस्फोटक पारी खेलेका थिए ।

१६४ रनको लक्ष्य पछाएको हैदरावादले पुरै २० ओभर पनि खेल्न सकेन । हैदरावाद १९.४ ओभरमा १५३ रन बनाएर अलआउट भएको थियो । हैदरावादका लागि ओपनर जोनी बेयरस्टोले सर्वाधिक ६१ रन बनाएका थिए । बलिङ्गमा बेङ्गलोरका लागि युजवेन्द्र चाहलले ४ ओभरमा १८ रन दिदैँ ३ विकेट निकालेका थिए ।

जितसँगै बेङ्गलोरले पहिलो खेलबाट २ अकं जोडेको छ ।