हामी सबैकाे संसारन्यूज

६ असोज, काठमाडौं । कोरोना संक्रमण भएर अस्पतालमा उपचार गराइरहेका नेपाल एयरलाईन्सका वरिष्ठ क्याप्टेन विजय लामाले कोरोनालाई हल्का रुपमा नलिन अनुरोध गरेका छन् ।

कोरोना संक्रमण भएपछि २ हप्तादेखि स्टार अस्पतालमा उपचार गराइरहेका क्याप्टेन लामाले एकदमै जटिल अवस्थाबाट पार भइ पुनः स्वस्थ्य बन्दै गरेको सामाजिक संजाल फेसबुकमा सेयर गर्दै लेखेका छन् ‘एकदम जटिल अवस्थाबाट पार भै पुनः स्वस्थ्य बन्दैछु । अबको केहीदिनपछि डिस्चार्ज हुने आशा राखेको छु । मेरो बिनम्र अनुरोध सबैमा, बिन्ती छ यो कोभिडलाई हल्का नलिइदिनुहोला’ आफ्नो सुरक्षामा कतै नचुक्नु होला । यो सामान्य होइन यसले ज्यानै लिन सक्छ ।’