Sansar News
७ असोज, काठमाडौं । सर्वौच्च अदालतले बामदेव गौतमलाई सांसदको रुपमा काम गर्न नदिन अन्तरिम आदेश जारी गरेको छ । न्यायाधिश डा. आनन्दमोहन भट्टराईको एकल इजलाशले काम गर्न नदिन अन्तरिम आदेश जारी गरेको हो ।
वरिष्ठ अधिवक्ता दिनेश त्रिपाठीले गौतमको नियुक्ती संविधान विपरित रहेको भन्दै सोमबार बदरको मागसहित सर्वौच्चमा रिट दर्ता गराएका थिए । उनले रिटमा गौतमलाई मन्त्री बनाउन नमिल्ने तर्क पनि अघि सारेका छन् ।
गत बिहीबार सरकारको सिफारिसमा राष्ट्रपति विद्यादेवी भण्डारीले गौतमलाई राष्ट्रिय सभा सदस्यका रुपमा मनोनित गरेकी थिइन् । गौतमले राष्ट्रिय सभा सदस्यका रुपमा सपथसमेत लिइसकेका छन् ।
पछिल्लो प्रतिनिधि सभा निर्वाचनमा गौतम बर्दिया निर्वाचन क्षेत्र नं. १ बाट पराजित भएका थिए । उनलाई कांग्रेस नेता सञ्जय गौतमले ७ सय ७५ मत अन्तरले पराजित गराएका थिए ।
सम्बन्धित समाचार
वामदेव गौतमको मनोनयनविरुद्व सर्वौच्चमा रिट दर्ता
बामदेव गौतमको मनोनयनविरुद्व दायर रिटको सुनुवाई आज, के होला फैसला ?
वि.सं.२०७७ असोज ७ बुधवार १८:०२ मा प्रकाशित
