हामी सबैकाे संसारन्यूज

८ असोज, काठमाडौं । हाल देशभर सामान्य देखि पूर्ण बदली रही धेरै स्थानहरुमा हल्कादेखि मध्यम वर्षा भईरहेको छ ।
त्यस्तै अहिले प्रदेश नं १, प्रदेश नं २, बागमती प्रदेश, गण्डकी प्रदेश, प्रदेश नं ५ र कर्णाली प्रदेशका १-२ स्थानहरुमा अति भारी वर्षा समेत भैरहेको छ ।

आज दिउँसो पनि सबै प्रदेशका केही स्थानमा भारी वर्षाको सम्भावना रहेको छ भने प्रदेश नं १, प्रदेश नं २, बागमती प्रदेश, गण्डकी प्रदेश, प्रदेश नं ५ र कर्णाली प्रदेशका १-२ स्थानहरुमा अति भारी वर्षाको समेत संभावना रहेको छ ।

त्यस्तै आगामि २४ घण्टामा सबै प्रदेशका धेरै स्थानमा भारी वर्षा साथै प्रदेश नं १, बागमती प्रदेश, गण्डकी प्रदेश, प्रदेश नं ५ र कर्णाली प्रदेशका १-२ स्थानहरुमा अति भारी वर्षाको सम्भावना रहेको पनि जल तथा मौसम पूर्वानुमान महाशाखाले जनाएको छ ।

‘ती स्थानहरुका नदीमा पानीको बहाव बढ्ने, पहाडी क्षेत्रमा पहिरो जाने, सडक तथा हवाई यातायात प्रभावित हुन सक्ने भएकोले आवश्यक सतर्कता अपनाउन हुन अनुरोध छ ।’ महाशाखाद्धारा विहिबार जारी सूचनामा भनिएको छ ।

त्यस्तै आज र भोली देशका विभिन्न नदीहरुमा पानीको बहाव उच्च हुने छन् भने नारायणी, पश्चिम राप्ती, बबई, तिनाहुँ, बाणगंगा र सहायक नदीमा बहाव खतराको आसपास हुने छ । साथै कर्णाली, कोशी, कन्काई, कमल, बागमती नदीमा पनि सतर्कता आसपास हुने भएकाले तटिय क्षेत्रमा साबधानी अपनाउन नेपाल बाढी पूर्वानुमान महाशाखाले अनुरोध गरेको छ ।

महाशाखाले नारायणी नदीको बहाव खतरामाथि हुने पूर्वानुमान गरिएकाले तटिय क्षेत्रमा रहनेहरु आज र भोली सुरक्षित स्थानमा रहन पनि अनुरोध गरेको छ ।

रातो कलरले मार्क गरेका नदीहरुमा उच्च जोखिमको सम्भावना