हामी सबैकाे संसारन्यूज

असोज ९, काठमाडौँ । किंग्स इलेवन पंजाबले आफ्नो दोस्रो खेलमा रोयल च्यालेन्जर्सलाई ९७ रनले पराजित गदैँ २०२० को आईपिएलमा पहिलो जित निकालेको थियो ।

टस हारेर पहिले ब्याटिङ्ग गरेको पंजाबले २० ओभरमा ३ विकेट गुमाएर २०६ रन बनाएको थियो । पंजाबका लागि ब्याटिङ्गमा कप्तान केएल राहुलले ६९ बलमा १३२ रनको विस्फोटक पारी खेलेका थिए ।  उनले आफ्नो १३२ रनको पारीमा १४ चौका र ७ छक्का प्रहार गरेका थिए । २०२० को आईपिएलमा पहिलो सतक बनाउने खेलाडी केएल राहुल बनेका छन । बेङ्गलोरका लागि बलिङ्गमा शिवम दुबेले सर्वाधिक २ विकेट लिएका थिए ।

२०७ रनको विशाल लक्ष्य पछाएको बेङ्गलोरले पुरै २० ओभर पनि खेल्न सकेन । बेङ्गलोर १७ ओभरमा १०९ रन बनाएर अलआउट भएको थियो । बेङ्गलोरका लागि ब्याटिङ्ग वाशिंगटन सुन्दले सर्वाधिक ३० रन बनाएका थिए । पंजबका लागि बलिङ्गमा रवि विश्नोइ र मुरगन अश्विनले ३\३ विकेट लिएका थिए ।

जितसँगै पंजबले दोस्रो खेलबाट २ अकं प्राप्त गरेको छ ।