Sansar News
आज-भोलि त मलाई आफ्नै छायाले पनि छेक्छ ।
हुन त ओरालो लागेको हरिणलाई बाछोले खेद्छ ।
मैले फूल दिन्छु तिमी काँडा मात्र किन देख्छौ प्रिय ?
सत्यता यही हो जसको आँखामा जे छ त्यस्तै देख्छ ।
तिमी भन्छौ भने प्राण झिकेर हत्केलामा राखिदिन्छु,
तिमी बिना बाचेर के अर्थ ? जहाँ स्वासले पनि हेप्छ ।
संसारमा विश्वास योग्य चिज के हो भन्दिनुस् कोही,
आफ्नो भन्नेले त झन् छेउ धकेल्छ कुनामा अचेट्छ ।
यो जमाना स्वार्थको हो भलो कसैलाई सोच्नुहुदैन,
आफैं हेर्नुहोस् दुध पिएर सर्पले कसरी बिष उकेल्छ ।
वि.सं.२०७७ असोज १० शनिवार ०९:२३ मा प्रकाशित
