निर्दोष जीवनको मैया कथासङ्ग्रह पहिलो कृतिकोे रुपमा प्रकाशित भएको थाहा पाएपछि विभिन्न व्यक्तिका सङ्ग्रहहरुको समीक्षा लेखिरहने लेखरामले “निर्दोषजी तपाईको कथासङ्ग्रह पढ्न पाए भने पढेर मैले समीक्षा लेखेर कुनै न कुनै पत्रिकामा छपाउनेछु” भन्यो । “मेरो कथासङ्ग्रह फ्रि मा मैले कसैलाई दिन्न सर बरु मेरो कथासङ्ग्रहको समीक्षा हजुरले नगर्नुस् तपाई समीक्षक भएर यस्तो कुरा गर्न सुहाउंदैन सर” निर्दोष जीवनले भन्यो ।
“आजसम्म मैले तिनसय वटा सङ्ग्रहको समीक्षा लेखिसकेर विभिन्न पत्रिकाहरुमा प्रकाशित गरिसके । मेरो घरमा अग्रज साहित्यकारहरुले पनि मेरो कृतिको समीक्षा लेखिदिनु प¥यो भनेर नयाँ निस्केको सङ्ग्रह लिएर आउने गर्छन्” समीक्षक लेखरामले भन्यो ।
“मेरो कृतिको समीक्षा तपाईले लेख्न पर्दैन सर” निर्दोषले भन्यो । “त्यसो भए तपाईको कथासङ्ग्रहको समीक्षा म गर्दिन” समीक्षक लेखरामले भन्यो । “सर म हजुरलाई सम्मान गर्छु मेरो कथासङ्ग्रह किनेर पढेर समीक्षा गर्नुस्” निर्दोषले भन्यो ।
“मलाई तपाईको सम्मान चाहिदैन तपाईको सम्मानले म ठूलो मान्छे बन्दिन समीक्षक लेखरामले भन्यो । “म समीक्षाको भोको छैन” निर्दोषले रिसाउदै भन्यो । निर्दोषको कथासङ्ग्रह समीक्षक लेखरामलाई निर्दोषको नजिकको साथी महेशप्र्रसादले भेटेर दिदै “यो कथासङ्ग्रह धेरै राम्रो छ सर हजुरले समीक्षा पनि लेख्ने गर्नुहुन्छ यो कथासङ्ग्रहको समीक्षा लेखेर कुनै राम्रो पत्रिकामा दिनु है” भन्यो ।
“निर्दोषसंग मैले एकपटक भेट हुंदा समीक्षा लेख्न उसको कथासङ्ग्र्रह माग्दा म समीक्षाको भोको छैन भनेर उसले मलाई कथासङ्ग्रह दिन इच्छा गरेन त्यस्ता व्यक्तिको कथासङ्ग्रहको समीक्षा लेख्न सक्दिन” समीक्षक लेखरामले भन्यो ।
वि.सं.२०७७ कात्तिक १५ शनिवार ०८:५८ मा प्रकाशित