हामी सबैकाे संसारन्यूज

सामाजिक अभियन्ता तथा लेखक दिनकर नेपाल “हाम्रो ठाउँ, आफै बनाउ” भन्ने अभियानमा लागेका छन् ।

नेपालले सामाजिक संजाल फेसबुकमार्फत स्वदेश तथा विदेशमा रहेका नेपालीलाई “आफ्नो गाउँ आफै बनाउ” भन्ने अभियान अगाडि बढाउनुपर्ने शन्देस दिएका छन् ।

 “आफ्नो ठाउँ आफै बनाउ” भन्ने सन्देश बोकेर अगाडि बढेका नेपालले आफ्नै जन्मथलो वालिङ नगरपालिकामा त्यस क्षेत्रका अगुवाहरुमार्फत राम्रो सुविधासम्पन्न पुस्तकालय स्थापना गर्नको लागि पहलहरु भै रहेको र जिल्ला बाहिर तथा देश बाहिर रहने बुद्धिजिवी तथा सचेत नागरिकहरुले बारम्बार यो प्रसँग उठाइरहेको बताएका छन् । नेपाल भन्छन् “अहिले विभिन्न सामाजिक र शैक्षिक क्षेत्रमा विश्वसनीय काम गर्दै आएका अग्रजहरु, साथीभाईहरु तथा भाईबैनीहरु सबैको यो विषयमा सकारात्मक चासो तथा रुची रहेको देखिएको छ ।” यी सबै सकारत्मक सरोकार र पहलहरुलाई एक ठाउँमा ल्याउँदै अब एउटा सुविधा सम्पन्न “सामुदायिक अध्ययन तथा अनुसन्धान केन्द्र” स्थापना गर्नमा आम सहमति भएको कुरा सबैलाई जानकारी दिन पाउँदा निक्कै खुशी लागेको नेपालले बताएका छन् ।

नेपालले उक्त केन्द्रलाई एउटा अत्याधुनिक सुविधा सम्पन्न समुदायिक पुस्तकालय, नगर सङ्रहालय, प्रदर्शनी केन्द्र तथा अडियो भिजुअल सुविधा सहितको कन्फ्रेन्स हलको सम्मिश्रणका रुपमा अगाडि बढाइने जानकारी दिदैं यसमार्फत देश–विदेशका अनुसन्धाताहरुलाई यो क्षेत्रमा समाज–विज्ञान तथा कृषि सम्बधी अनुसन्धान गर्न सजिलो बनाइने पनि बताएका छन् ।