हामी सबैकाे संसारन्यूज

१९ कात्तिक, काठमाडौं । स्वास्थ्य तथा जनसंख्या मन्त्रालयले कोरोना संक्रमित भई होम आइसोलेसनमा बसेकाहरुलाई जथाभावि औषधि प्रयोग नगर्न अनुरोध गरेको छ ।

पछिल्ला समय डाक्टरको सल्लाह बिना कोरोना संक्रमणबाट निको भएकाहरु र अन्यको सरसल्लाहमा होम आइसोलेसनमा बसिरहेकाहरुले जथाभावि औषधि प्रयोग गरेको र त्यसले असर पुर्याएको भन्दै मन्त्रालयले यस्तो अनुरोध गरेको हो ।

मन्त्रालयका प्रवक्ता डा. जागेश्वर गौतमले चिकित्सको सल्लाह र सिफारीसमा मात्रै औषधि सेवन गर्न अनुरोध गरेका छन् ।

‘कोरोना संक्रमित भइसके पछि एक्लै कोठामा बस्दा मन आत्तिने र कहिले निको होला भन्ने अत्यास लाग्नु स्वभाविक भएकोले त्यसकारण होम आइसोलेसनमा बस्दा आफूलाई व्यस्त राख्नु किताव पत्रपत्रिका पढ्ने समाचार सुन्ने गीत सुन्ने फिल्म हेर्ने लगायतका काम गरी मन भुलाउन समेत डा. गौतमले अनुरोध गरेका छन् ।