Sansar News
२० कार्तिक, काठमाडौँ । नेपाली कांग्रेस नेता मोहन पाण्डे नेपाली कांग्रेसको कोटाबाट प्रतिनीधिसभा सदस्य बन्ने भएका छन् ।
प्रतिनिधिसभा सदस्य सुर्यबहादुर केसीको निधनपछि रिक्त रहेको स्थानमा नेपाली कांग्रेसका महासमिति सदस्यसमेत रहेका पाण्डे सांसद बन्ने भएका हुन् ।
समानुपातिक तर्फ खस आर्य कोटाको बन्दसूचीमा केसी पनि पाण्डेको नाम रहेको निर्वाचन आयोगले जनाएको छ । आयोगका अनुसार संघीय संसद सचिवालयबाट स्थान रिक्त रहेको औपचारिक जानकारी आएपछि प्रक्रिया अगाडि बढ्छ ।
पाण्डे पहिलो संविधानसभाका सभासद समेत हुन् उनी २०६४ को संविधानसभा निर्वाचनमा उनी प्रत्यक्ष निर्वाचन प्रणालीतर्फ स्याङ्जा–३ बाट निर्वाचित भएका थिए ।
वि.सं.२०७७ कात्तिक २० बिहीवार १८:०३ मा प्रकाशित
