हामी सबैकाे संसारन्यूज

काठमाडौं । रुसी राष्ट्रपति भ्यादिमीर पुटिन सत्ता छोड्ने तयारीमा लागेको खबर सार्वजनिक भएको छ । अन्तराष्ट्रिय सञ्चार माध्यमले जनाएअनुसार अस्वस्थताका कारण पुटिन सत्ता छाड्ने तयारीमा लागेका हुन् ।

सञ्चार माध्यमको रिपोर्टअनुसार राष्ट्रपति पुटिन दिमागीसम्बन्धी समस्या (पार्किन्सस)बाट पीडित छन् । हालै सार्वजनिक केहि तस्बिर तथा भिडियोमा उनीमा यस्तो समस्याको लक्षण देखिएको थियो ।

सार्वजनिक एक भिडियोमा कुर्सीमा बसेका राष्ट्रपति पुटिन पटक–पटक कुर्सीलाई समातीरहेको र निकै असहज गरि बसेको देखिएको थियो । भिडियोमा उनले कलम पनि राम्रोसँग समात्न नसकेको देखिएको थियो ।

जनाइएअनुसार स्वास्थ्यसम्बन्धी समस्या देखिएकै कारण उनलाई परिवारले अवकाश लिन सुझाइरहेका छन् । मस्कोका एक राजनीतिक जानकार वलेरी सोलोवीका अनुसार उनकी ३७ वर्षीया प्रेमिका अलीना कबाइवा र उनीका दुई छोरीहरुले निकै चिन्ता व्यक्त गरेका छन् ।

दाबी गरिएअनुसार पुटिन आगामी जनवरीदेखि पद छोड्ने योजनामा छन् । उनी नयाँ उत्तराधिकारी नियुक्ती गर्दै अवकाश लिने तयारीमा छन् ।