हामी सबैकाे संसारन्यूज

युनाइटेड किरात राई अर्गनाइजेसन अफ अमेरीकाले मातृभूमि नेपालमा कोभिड-१९ को कारण समस्यामा परेकालाई आर्थिक सहयोग गरेको छ ।

अर्गनाइजेसनका लोकल च्याप्टरहरु न्युहेम्पशायर, कनेक्टिकेट, म्यासाच्युसेट्स बोस्टन, न्यु योर्क वाशिंगटन डी सी, पेन्सिल भानिया, क्यालिफोर्निया, मेरील्याण्ड,भर्जिनिया, टेक्सास, कोलोराडो, नेब्रास्का, लगायतका राज्यमा बसोबास गर्ने नेपालीहरुबाट सहयोग रकम संकलन गरिएको हो ।

हालै संसारभरी महामारीको रुपमा फैलिएको कोरोनाको कारण आफ्नो मातृभूमि नेपालमा दैनीक ज्यालादारी गरी जीवनयापन गरीरहेका बाबु आमाको नाबालक छोराहरु तथा शारीरिक अपांगता भएकाहरुले भोग्नु परिरहेको दुःख कष्टमा साथ दिने उद्धेश्यले उक्त सहयोग गरिएको बताइएको छ ।

सहयोग रकम डलर २ हजार २० आदिवासी जनजाती महासंघ अमेरीका फिपफ्नाको सहयोग अभियानलाई २ महिना पहिले पठाईएको र अर्गनाइजेसनका केन्द्रीय अध्यक्ष मुना राइले २०२० सालमा सम्झना रहने गरी डलर २०२० सहयोग गरिएको बताइन् ।

उक्त सहयोग सहित अन्य सहयोग संकलन गरेर फिफ्नाले नेपालको बिभिन्न शहर तथा वस्तीहरुमा रोजगारीबाट बन्चित भएर भोकै हिड्न बाध्य भएका दाजुभाइ तथा दिदीबहिनीहरुलाई खानपिनको व्यवस्था गरेको थियो । अहिलेको २ हजार डलर बराबर नेपाली रकम २ लाख २८ हजार ६ सय रुपैयाँ एबिसी न्युज नेपाली टेलीभिजनद्वारा संचालित चर्चित कार्यक्रम इन्द्रेणीका संचालक तथा समाजसेवी कृष्ण कंडेलमार्फत पठाइएको हो ।

उक्त सहयोग रकम अर्गनाइजेसनको प्रतीनिधित्व गर्दै संगीतकार तथा गायक कनकाइस्ट राईले एक कार्यक्रमका बीच हस्तान्तरण गरेका थिए ।