हामी सबैकाे संसारन्यूज

२५ कार्तिक, पैयूँ । पर्वतको पैँयू गाउँपालिकमा थप १० जना कोरोना भाईरस संक्रमित थपिएका छन् । आईतबार ५५ जनाको स्वाब संकलन गरिएका मध्ये १० जनाको रिपोर्ट पोजेटिभ आएको हो ।

१० जना मध्ये ४ जना महिला र ६ जना पुरूष रहेको पैयूँगाउँपालिकाका स्वास्थ्य शाखा प्रमुख पुण्य न्यौपानेले जानकारी दिए ।

संक्रमित सबैलाई आईसोलेसनमा व्यवस्थापन गर्ने काम भईरहेको न्यौपानेले बताए । अन्यको रिपोर्ट आउन बाकी रहेकोले सबैलाई सचेत रहन आग्रह गरिएको छ ।

यसअघि शनिबार वित्तिय संस्थामा काम गर्ने दुई जनामा कोरोना पोजेटिभ देखिए सँगै पैयुँ गाउँपालिकाले सूचना जारी गर्दै गाउँपालिका तथा अन्तर्गतका वडा कार्यालयका सेवाहरु अनिश्चित कालका लागि बन्द गर्ने निर्णय गरेको थियो भने तिहारमा देउसी भैलो खेल्नसमेत रोक लगाएको थियो ।