हामी सबैकाे संसारन्यूज

४ मंसिर, काठमाडौँ । गैरआवासीय नेपाली संघका उपाध्यक्ष डा. बद्री केसीले बैदेशिक रोजगारको क्रममा समस्यामा परेका नेपालीहरुलाई आफूहरुलाई सिधा सम्पर्क गर्न आग्रह गरेका छन् ।

गैरआबासीय नेपाली संघको बैदेशिक रोजगार विभागको संयोजक समेत रहेका डा के.सीले वैदेशिक रोजगारीमा आफ्नो जागिर गुमाएका, खान बस्नको लागि समस्या भएका, अलपत्रमा परेका, स्वास्थ्य सम्बन्धि समस्यामा रहेका, मानसिक पिडामा रहेका र साइक्रियाटिक डाक्टरको आबस्यकता भएका, भिसा सकिएर जरिवाना तिर्न गार्हो भएका, नेपाल फर्कनलाई समस्यामा परेका, रोजगार दाताले तलब नदिएकोले श्रमिक अदालतमा निबेदन दिनुपर्ने अथबा अन्य समस्याहरु छन् भने स्थानीय गैर आबासीय नेपाली संघ रास्ट्रिय समन्वयमार्फत अथवा आफूहरुलाई सिधा सम्पर्क गर्न अनुरोध गरेका छन् ।

समस्यामा परेका त्यस्ता नेपालीहरुको समस्या सकेसम्म छिटो हल गरिने उनले बताए ।

कोभिड १९ को महामारीको क्रममा बैदेशिक रोजगारमा बिश्वभरि रहेका बिशेष गरि खाडी मुलुक तथा मलेसियामा रहेका नेपालीहरुलाई गैरआबासीय नेपाली संघको बैदेशिक रोजगार विभागले सहयोग गर्दै आएको छ ।