हामी सबैकाे संसारन्यूज

४ मंसिर,काठमाडौं । २ किलो अवैध लागूऔषध गाँजा सहित ४ जनालाई बुधबार बेलुका प्रहरीले पक्राउ गरेको छ । पुतलीबजार नगरपालिका-१३ बिसौनाका २५ वर्षीय ख्याम वहादुर विकको घरमा गाँजा राखिएको भन्ने सुचानाका आधारमा जिल्ला प्रहरी कार्यालय स्याङजाबाट खटिएको प्रहरीले छानबिन गर्दा उक्त परिणाममा गाँजा सहित उनीहरुलाई पक्राउ गरेको हो ।

त्यस्तै बाँके, नेपालगंज उपमहानगरपालिका-१५ जमुनाहबाट नियन्त्रित लागूऔषध २ सय ४० ट्याब्लेट नाइट्रोभ्याट सहित सोही उपमहानगरपालिका-५ बस्ने १८ वर्षीय किशोरलाई बुधबार दिउँसो प्रहरीले पक्राउ गरेको छ । लागूऔषध नियन्त्रण व्यूरो र ईलाका प्रहरी कार्यालय जमुनाह बाँकेबाट खटिएको प्रहरीले उनलाई जाँच गर्ने क्रममा उक्त लागूऔषध सहित फेला पारी पक्राउ गरेको हो ।