हामी सबैकाे संसारन्यूज

स्याङ्जा । सूर्योदय क्लब स्याङ्जाले विदेशबाट फर्किएका युवाहरुलाई व्यवसायिक तरकारी खेती तालिम दिएको छ । पुतलीबजार नगरपालिका र संयुक्त राष्ट्रसंघीय विकास कार्यक्रम युएनडिपीको आर्थिक सहयोग क्लबले तालिम दिएको हो ।

तालिममा नगरपालिकाभित्रका १४ वडाका ५० युवा कृषकहरु सहभागी छन् । तालिममा सहभागी कृषकलाई नगरपालिकाले छनौट गरि पठाएको हो ।

क्लबले जानकारी दिएअनुसार ताालिमपश्चात कृषकलाई ८५ प्रतिशत अनुदान सहयोगसहित तरकारी खेतीमा लगाईनेछ । जनाइएअनुसार प्लास्टिक घर, बिउ बिजनसहित क्लबले खेतीमा सहभागी कृषकलाई नियमित परामर्श तथा प्राविधिक सहयोग पनि गर्नेछ ।

क्लबका अध्यक्ष अनन्तकुमार श्रेष्ठका अनुसार व्यवसायिक कृषक सिर्जना गर्ने लक्ष्यसहित कार्यक्रम तयार गरिएको हो । तालिम कार्यक्रममा कोरोना भाइरस (कोभिड–१९)को महामारीबाट प्रभावित परिवारहरु र विदेशबाट फर्किएका युवाहरुलाई समेटिएको छ ।

तालिममा मलखाद व्यवस्थापन र उत्पादन पछि बजार व्यवस्थापनबारे पनि सिकाईने श्रेष्ठले जानकारी दिए ।