हामी सबैकाे संसारन्यूज

१८ मंसिर, गुल्मी । लामो रस्साकस्सीपश्चात अन्ततः इस्मा गाउँपालिकाले आफ्नो प्रशासनिक केन्द्र तोकेको छ । संघिय सांसद गोकर्ण विष्टको गृहपालिकासमेत रहेको इस्मामा विवादका कारण प्रशासनिक केन्द्र तोक्न सकिएको थिएन ।

बुधबार बसेको विशेष गाउँ सभाको दुइतिहाइ मतले पालिकाको स्थायी केन्द्र तोकेको हो । पालिकाको दुई तिहाई मतका आधारमा वडा नं. ५ को राता पोखरालाई स्थायी केन्द्र तोकिएको छ ।

पालिकाको स्थायी केन्द्र तोक्नेबारे भएको निर्वाचनमा प्रस्तावको पक्षमा २१ मत अर्थात दुई तिहाई मत परेको थियो । जहाँ विपक्षमा ८ मत परेको थियो ।

स्थानीय निर्वाचनमा नेकपाले इस्मा गाउँपालिकामा अध्यक्ष, उपाध्यक्षसहित २५ सदस्य जितेको थियो । पालिकाको वडा नम्बर १ मा मात्रै नेपाली कांग्रेसका ५ सदस्य निर्वाचित भएका थिए ।