हामी सबैकाे संसारन्यूज

१८ मंसिर, काठमाडौं । नेरुडे लघुवित्त वित्तीय संस्था लिमिटेडले आफ्नो स्वामित्वमा रहेको प्राइम कमर्शियल बैंक लिमिटेडको संस्थापक समुहको सेयर बिक्री गर्ने भएको छ । संस्थाले बैंकको ८६ हजार ९ सय कित्ता संस्थापक समूहको शेयरहरू लिलाम बढाबढ गरी बिक्री गर्न लागेको हो ।

उक्त शेयरको न्युनतम मूल्य प्रतिकित्ता ३ सय रूपैयाँ तोकिएको छ ।उक्त लगानीकर्ताले सेयरमा मंसिर २५ गते, बिहीबारबाट पौष २ गते बिहीबारसम्म आवेदन दिन सक्नेछन् ।

लगानीकर्ताले न्युनतम एक सय कित्ताको लागि आवेदन दिन सक्नेछन् अधिकतममा भने कुनै हद तोकिएको छैन । कम्पनीको निष्कासन तथा बिक्री प्रबन्धक सनराइज क्यापिटल लिमिटेड रहेको छ ।