हामी सबैकाे संसारन्यूज

कृष्णप्रसादले आफू बसीरहेको पुरानो घर भाडामा लगाएर अन्तै खुला ठाउँमा जग्गा किनेर नयाँ घर बनाएर बस्न थाल्यो । नयाँ घर बनाएर बस्न थालेको एकवर्ष बितेपछि उसले भाडामा लगाएको पुरानो घर विक्री गर्न ग्राहकहरुको खोजी ग¥यो । छिमेकी घरधनी प्रकाशलाई “मेरो यो भाडामा लगाएको घर किन्ने ग्राहक पाइन्छ भने खोजीदिनु नि” भन्यो । छिमेकी घरधनी प्रकाशले “मलाई नै बेचे भइहाल्छ नि मूल्य मिलाएर मलाई नै दिनु नि म किन्छु नि” भन्यो । “हुन्छ नि त तपाईले किन्नुहुन्छ भने म अरु ग्राहक खोज्दीन नि तपाईलाई नै मिलाएर दिन्छु नि त” उसले भन्यो ।

उसको घरमा भाडामा बस्नेले पनि उसले घर विक्री गर्न ग्राहक खोजेको थाहा पाएपछि हामी नै किन्छौ नि तपाईको घर हामीले किन्यौ भने यो घरबाट अन्त हामीलाई सरिरहन पनि परेन नि” भन्यो । छिमेकी घरधनीलाई करिब छ सात महिनासम्म हाम्रो घर किन्नु भनेर झुलाउन पुग्यो र भाडामा बस्नेलाई उसले विक्री गरेरै छाड्यो । भाडामा बस्नेले उसको घर किनेको थाहा पाएपछि हामीलाई किन्नु भनेर भन्यो तर भाडामा बस्नेलाई पो उसको घर बेचेछ नि भनेर कृष्णप्रसादसँग छिमेकी घरधनी रिसायो ।

त्यसपछि उनीहरुको बोलचाल पनि बन्द भयो । केही समय बितेपछि छिमेकी घरधनीले प्राइभेट कार किन्यो र उसको घर गल्लीबाट भित्र पस्नु पर्ने भएकोले उसको घरमा कुनै पनि गाडी जान सक्दैनथ्यो । उसले किनेको कारलाई भाडा तिरेर ग्यारेजमा लगेर राख्यो । गाडी किनेपछि उसले यो घर नकिनेकै ठिक भो अब अन्यत्र कतै गाडी जाने ठाउँमा विक्री गर्न खोजेको घर किनेर सर्नु ठिक होला भनेर मलाई उसले घर नबेचेकै ठिक भयो नि भनेर खुसी भयो ।