हामी सबैकाे संसारन्यूज

२८ मङ्सिर, कैलाली । राष्ट्रिय तथा सार्वजनिक सम्पदा बिरुद्धको कसूर मुद्धा र राज्य बिरुद्धको कसुर चन्दा उठाउन प्रतिबन्ध र हातहतियार खरखजना तथा संगठित अपराध विरुद्धको मुद्धाका फरार प्रतिवादी बझाङ मष्टा गाउँपालिका–३ बस्ने ३२ वर्षीय जोग बहादुर कठायतलाई शनिबार साँझ प्रहरीले पक्राउ गरेको छ ।

उक्त मुद्दामा जिल्ला अदालत बझाङबाट पक्राउ अनुमति भई फरार भएका उनलाई क्षेत्रीय अनुसन्धान समूह र जिल्ला प्रहरी कार्यालय कैलालीबाट खटिएको प्रहरीले धनगढी उपमहानगरपालिका–५ चक्मेली चोकबाट पक्राउ गरेको हो ।

प्रहरीले यस सम्बन्धमा थप अनुसन्धान गरिरहेको जानकारी दिएको छ ।