हामी सबैकाे संसारन्यूज

२९ मंसिर, काठमाडौं । कालिमाटी फलफूल तथा तरकारी बजार विकास समितिले आज आजको बजारमा फलफूल तथा तरकारीको थोक मूल्य यसप्रकार तोकेको छ ।

समितिका अनुसार अनुसार आज (सोमबार) को बजारमा नेपाली र भारतीय टमाटर (ठूलो) प्रतिकेजी १० रुपैयाँले बढेर ७० देखि ८० रुपैयाँ केजी रहेको छ  ।

साथै आज सानो टमाटर प्रतिकेजी ५ रुपैयाँले घटेर ३५ देखि ४५ रुपैयाँ केजी र टमाटर (टनेल) १० रुपैयाँले घटेर प्रतिकेजी ३५ देखि ४५ रुपैयाँमा विक्रि वितरण भइरहेको छ । साथै तराईको टमाटर आइतबारको तुलनामा १५ रुपैयाँले घटेर ३५ देखि ४५ रुपैयाँ केजीमा विक्रि वितरण भइरहेको छ ।

त्यस्तै आज नेपाली लसुन प्रतिकेजी ४० रुपैयाँले घटेर २५० देखि २६० रुपैयाँ र चाइनिज लसुनको भाउ प्रतिकेजी १६० देखि १७० रुपैयाँ केजीमा विक्रि वितरण भइरहेको छ । आज चाइनिज लसुन आइतबारकै भाउमा कारोबार भइरहेको छ ।

त्यस्तै भारतीय प्याज प्रतिकेजी थोक मूल्य ८५ देखि ९५ रुपैयाँ केजी रहेको छ भने चाइनिज प्याजको भाउ ६० देखि ६५ रुपैयाँ केजी रहेको छ । प्याज आइतबारकै भाउमा विक्रि वितरण भइरहेको छ ।

यस्तो छ अन्य विवरण

आजको बजारमा तरकारीको थोक मूल्य विवरण, हेर्नुहोस् कुन घट्यो कुन बढयो त ?