हामी सबैकाे संसारन्यूज

२९ मंसिर, नुवाकोट । राजसंस्था र हिन्दु राष्ट्र पुनर्स्थापनाको माग गर्दै राजावादीहरुले आईतवार नुवाकोटमा प्रदर्शन गरेका छन् ।

नुवाकोटको सदरमुकामस्थित लोकतान्त्रीक चौतारोबाट सुरु भएको मोटरसाइकल र्याली बट्टार क्याम्पसमा पुगेर कोण सभामा परिणत भएको थियो ।

हजारौं राजावादीहरुको सहभागिता रहेको प्रदर्शनमा गणतन्त्रको खारेजी र संबैधानीक राजतन्त्र तथा हिन्दु राष्ट्र पुनर्स्थापना गर लगायतका नारा लगाएका थिए । सहभागीहरुले नेपालको राष्ट्रीय झण्डा र राप्रपाको झन्डा लिएर मोटरसाइकल तथा गाडीमा राजतन्त्र र हिन्दू राष्ट्रको पक्षमा नाराबाजी गरेका थिए ।

कोणसभामा बोल्दै प्रमुख अतिथी पुर्वअर्थमन्त्री एवम राप्रपा केन्द्रीय अध्यक्ष डा प्रकाशचन्द्र लोहनीले विदेशी शक्तिको आडमा दलहरुले मुलुकलाई धर्म निरपेक्षता र राजसंस्थालाई पाखा लगाएको बताउदै राष्ट्रिय एकता र मुलुकको राष्ट्रियताका लागि राजसंस्था पुनर्स्थापना गर्नुपर्नेमा जोडका थिए ।

यस्तै वरिष्ठ अधिवक्ता वालकृष्ण न्यौपानेले राजसंस्थाको पुनःस्थापना भएपछि मुलुकमा स्थायी शान्ति, बाह्य हस्तक्षेप र अह्रन(खटन नियन्त्रण हुने भन्दै नेपाली जनताको भविष्य खोज्न राजसंस्था स्थापना हुनु पर्ने बताए ।

पछिल्लो समयमा नेताहरूको काम कारबाहीप्रति जनताहरूको वितृष्णा बढ्दै गएकोले राजतन्त्र पुर्नबहालीको माग गर्दै प्रर्दशन गरिएको राप्रपा नेता जनकराज पाठकले जानकारी दिए ।

प्रदर्शनमा सहभागीहरुले मुलुकमा संघीय लोकतान्त्रिक गणतन्त्र स्थापना भएपछि राष्ट्रियता कमजोर हुँदै गएको र भ्रष्टाचार मौलाएको हुँदा मुलुकको अस्तित्व संरक्षणका लागि हिन्दु राष्ट्रसहित राजतन्त्र पुर्नस्थापना हुनुपर्ने माग गरेका छन् । सभालाइ राप्रपा केस राजु लोहनी र झनक प्याकुरेल ले पनि सम्वोधन गरेका थिए। सभा राप्रपा जिल्ला अध्यक्ष कुल वा खडगिको अध्यक्षतमा सम्पन्न भएको थियो ।