Sansar News
न्युयोर्क निवासी साहित्यकार लक्ष्मी श्रेष्ठकोे ‘तिमीलाई नसम्झेको’ म्युजिक भिडियो हालै सार्वजनिक गरेकी छन् ।
भाउजु स्व. अनुजा कुँवर रावतको सम्झनामा लेखिएको गीतलाई श्रेष्ठले युट्युब च्यानलको माध्यमबाट सार्वजनिक गरेकी हुन् ।
वरिष्ठ संगीतकार न्ह्यू बज्राचार्यको संगीत र गायक प्रताप दासको मीठो स्वर रहेको उक्त भिडियोको छायाङ्कन, सम्पादन तथा निर्देशन न्युयोर्कका ओम कर्माचार्यले गरेका छन् भने सहायक छायाङ्कन अभिशेक कर्माचार्यको रहेको छ । हान्सी र मुनाले कलाकारको भूमिका निभाएका छन् ।
यो भिडियोलाई ओम मेगा अडियो एण्ड भिडियो प्रोडक्सनले बनाएको हो ।
गीतलाई सार्वजनिक गर्न पाउँदा सन्तोषको स्वास फेरेको लेखिका श्रेष्ठले बताइन् । हामी मान्छेको जीवन नै दुःख र सुखले भरिएको एउटा सिंगो कथा भएको भन्दै श्रेष्ठले यो गितले सबैको मन छुने विश्वास व्यक्त गरिन् ।
वि.सं.२०७७ पुस ६ सोमवार १६:१४ मा प्रकाशित
