हामी सबैकाे संसारन्यूज

९ पुस, काठमाडौं । पूर्वप्रधानमान्त्री तथा जनता समाजवादी पार्टी नेपालका संघीय परिषद् अध्यक्ष डा बाबुराम भट्टराईले प्रधानमन्त्री केपी शर्मा ओली र राष्ट्रपति विद्यादेवी भण्डारीको संसद विघटनको कदमले राजधानीमा आन्दोलनरत उखु किसानको आन्दोलन ओझेलमा परेको बताएका छन् ।

काठमाडौंमा धर्नारत उखु किसानको आन्दोलन ओझेलमा र उनीहरुको जीवन जाडोमा जोखिममा परेकोले यसको समाधानका लागि राज्यले झण्डै एक अर्ब रकम मिलमालिकबाट असुल गर्ने गरी तुरुन्त दिन माग गरेका छन् ।

सामाजिक संजाल ट्विटरमा लेख्दै डा भट्टराईले भनेका छन् ‘उखु किसानलाई नबिर्सौं ! ओली–भण्डारीका प्रतिगमनकारी हर्कतले देशको ध्यान अन्तै मोडिएको अवस्थामा काठमाण्डौमा धर्नारत किसानको आन्दोलन ओझेलमा र उनीहरूको जीवन जाडोमा जोखिममा पर्दैछ । यसको तत्कालीन हलनिम्ति राज्यले एक अर्ब चानचुन रकम मिलमालिकबाट पछि असुल गर्नेगरी किसानलाई तुरून्त देओस् !’

उखु किसानलाई नबिर्सौं! ओली-भण्डारीका प्रतिगमनकारी हर्कतले देशको ध्यान अन्तै मोडिएको अवस्थामा काठमाण्डौमा धर्नारत किसानको आन्दोलन ओझेलमा र उनीहरूको जीवन जाडोमा जोखिममा पर्दैछ।यसको तत्कालीन हलनिम्ति राज्यले एक अर्ब चानचुन रकम मिलमालिकबाट पछि असुल गर्नेगरी किसानलाई तुरून्त देओस्! pic.twitter.com/jTRzd5Pac4

— Baburam Bhattarai (@brb1954) December 24, 2020