Sansar News
पुस १०, काठमाडौं । संसद विघटनसम्बन्धी मुद्दाको सुनुवाई गर्न सर्वोच्च अदालतले ५ सदस्यीय संवैधानिक इजलास गठन गरेको छ । प्रधानमन्यायाधीश चोलेन्द्रशमशेर जबराले आफुँसहितको संवैधानिक इजलास गठन गरेका छन् ।
इजलासमा प्रधानन्यायाधीश जबरासहित न्यायाधीशहरु हरिकृष्ण कार्की, विश्वम्भरप्रसाद श्रेष्ठ, अनिलकुमार सिन्हा र तेजबहादुर केसी रहेका छन् ।
बुधबार प्रधानन्यायाधीश जबराको एकल इजलासले संसद विघटनसम्बन्धी मुद्दामा प्रारम्भिक सुनुवाई गर्दै संवैधानिक व्याख्याको लागि संवैधानिक इजलासमा पठाउने आदेश गरेको थियो । बुधबारको सोही आदेशअनुसार संवैधानिक इजलास गठन भएको हो ।
प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले पुस ५ गते संसद विघटन गरेकी थिइन् । संसद विघटनको उक्त निर्णयविरुद्व सर्वोच्चमा १३ वटा मुद्दा परेका छन् ।
वि.सं.२०७७ पुस १० शुक्रवार ११:५७ मा प्रकाशित
