हामी सबैकाे संसारन्यूज

काठमाडौँ । नेपाली चलचित्र क्षेत्रकी अभिनेत्री ऋचा शर्माले आफ्नी आमा गुमाएको एक वर्ष भएको दिन सामाजिक सञ्जाल फेसबुक मार्फत भावुक स्टाटस पोस्ट गरेकी छन् ।
यस्तो छ उनको स्टाटस – “आमा बित्दा मेरो सानो संसार एकाएक भताभुंग भयो । त्यो बज्रले मुटुको एउटा कुना भत्कियो । मलाई राम्ररी थाहा छ— त्यो कुनो म बाँचुन्जेल कहिल्यै भरिनेछैन अब ।

आमा भनेका घर हुन् । त्यो घर, जसले हामीलाई एकपटक जन्म र जीवनभर ओत दिन्छ । जीवन दिनेहरू ईश्वर हुन् । मेरी ईश्वर मबाट टाढा गएको आज एक वर्ष भयो । उहाँ गएपछि मेरो जीवनले ओत गुमायो । अर्थ गुमायो । मैले मेरो शीरमाथिको ब्रह्माण्ड गुमाएँ ।

उहाँबिनाका यी ३६५ दिन मेरो जीवनको एउटा रित्तो पाना हो, जसमा अक्षर र वाक्य त छन् तर अर्थ र आत्मा छैन ।

आमा १ सन्तानहरू मायाका भोका हुन्छन् । म एक वर्षदेखि भोको छु र यो भोक जीवनभर मेटिनेछैन। “