Sansar News
पुस १९, काठमाडौं । प्रधानमन्त्री केपी शर्मा ओलीले राष्ट्रपति विद्यादेवी भण्डारी निकै नै असाधारण व्यक्तित्व भएको भन्दै प्रशंसा गरेका छन् । आइतबार आफुँ पक्षीय विद्यार्थीहरुको भेलालाई सम्बोधन गर्दै उनले भण्डारीको प्रशंसा गरेका हुन् ।
उनले भण्डारीमा निकै शालीनता र भद्रता रहेको बताए । उनका अनुसार राष्ट्रपति भण्डारी असाधारण देशभक्त हुन् ।
‘देशले पहिलोपल्ट महिला राष्ट्रपति पाएको छ,’ ओलीले भने, ‘गरिमामय, जिम्मेवार ढङ्गले व्यवहार गर्ने, शालीन र भद्र महिला, जसमा असाधारण देशभक्ति छ।’
ओलीले राष्ट्रपतिको विरोध गर्नेहरुलाई लाज नभएकाको संज्ञा पनि दिएका छन् ।
वि.सं.२०७७ पुस १९ आइतवार १७:२२ मा प्रकाशित
