हामी सबैकाे संसारन्यूज

पुस १९, काठमाडौं । नेपाल कम्युनिष्ट पार्टी (नेकपा)को प्रचण्ड–नेपाल पक्षको स्थायी समिति बैठकले पार्टी एकता र नेताहरुको जिम्मेवारी बाँडफाँड गर्न पार्टी अध्यक्ष माधवकुमार नेपालको नेतृत्वमा कार्यदल गठन गर्ने निर्णय गरेको छ ।

आइतबार पार्टी कार्यालय पेरिसडाँडामा बसेको बैठकले पार्टी एकता र जिम्मेवारी बाँडफाँडको विषयमा कार्यदल गठन गर्ने निर्णय गरेको पार्टी प्रवक्ता नारायणकाजी श्रेष्ठले जानकारी दिए ।

उनका अनुसार पार्टीभित्रका समग्र सांगठनीक काम कार्यदलमार्फत हुनेछन् । जिल्ला, प्रदेश, जनवर्गीय संगठनलगायत र पार्टी एकताबारेका बाँकी काम कार्यदलले गर्ने उनले जनाए ।

श्रेष्ठले सोमबार पुनः बस्ने बैठकले कार्यदलबारे विस्तृत निर्णय जानकारी दिए । उनका अनुसार आजको बैठकमा यसअघिको आन्दोलनका कार्यक्रमबारे पनि समिक्षा भएको थियो ।