हामी सबैकाे संसारन्यूज

१९ पुस, काठमाडौं । सेयर बजारमा सुचिकृत हुनका लागि १७ कम्पनीहरु पाइप लाइनमा छन्। ती कम्पनीहरुको ५ अर्ब ८२ करोड ६४ लाख ३७ हजार ७२० रुपैयाँ बराबरको ५ करोड ८१ लाख ८२ हजार ८३६ कित्ता आईपीओ धितोपत्र बोर्डको पाइप लाइनमा रहेका छन् ।

केहि समय सुस्थ रहेको सेयर बजारले पुन रुप लिन थालेको छ । हाल सेयर बजारमा आएको सकारातमक उछालका कारण आईपीओमा लगानीकर्ताको ध्यान जान थालेको छ । हाल धितोपत्र बोर्डको पाइप लाइनमा रहेका कम्पनीहरु मध्य धेरै जस्ता जलविद्युत क्षेत्रका कम्पनीहरु रहेका छन् ।

हाल बोर्डको पाइप लाइनमा ११ वटा जलविद्युत कम्पनी रहेका छन् । जसमध्य सबैभन्दा बढी भोटेकोशी जलविद्युत् कम्पनीको १ अर्ब ५० करोड रुपैयाँको १ करोड ५० लाख कित्ता आइपीओ पाइप लाइनमा रहेको छ ।

बीमा कम्पनीतर्फ भने ज्योती लाइफ इन्स्योरेन्सको ६६ करोड रुपैयाँको ६६ लाख कित्ता आइपीओ बोर्डको पाइप लाइनमा रहेको छ ।