Sansar News
पुस २०, काठमाडौं । एशियाको सबैभन्दा धनाड्यमध्येका एक अलीबाबा समुहका मालिक ज्याक मा दुई महिनादेखि वेपत्ता भएको कुरा अन्तराष्ट्रिय सञ्चार माध्यमले जनाएका छन् । जनाइएअनुसार पछिल्लो दुई महिनादेखि उनी सार्वजनिक कार्यक्रममा देखिएका छैनन् ।
गत अक्टुबरमा उनले चिनियाँ सरकारका कतिपय नीतिमाथि आलोचना गरेका थिए । रिपोर्टअनुसार सरकारमाथि आलोचना गरेको केहि समय लगत्तै उनी वेपत्ता भएका हुन् ।
अन्तराष्ट्रिय सञ्चार माध्यम द टेलिग्राफका अनुसार उनको बारेमा रहस्य लाग्दो घटना, उनकै संस्था सम्बन्ध अफ्रिका बिजनेस हिरोजको कार्यक्रममा उनी देखिएका थिएनन् । उक्त कार्यक्रममा अलीबाबाका एक अधिकारी सहभागी भएका थिए ।
जसबारे अलिबाबाका प्रवक्ताले भने उनी व्यस्त रहेको कारण कार्यक्रममा उपस्थित नभएको दाबी गरेका छन् ।
ज्याकले गत अक्टुबरमा संघाईमा भएको एक कार्यक्रममा चिनियाँ सरकारको आलोचना गरेका थिए । उनले वित्तिय नियामक निकाय तथा सरकारी बैंकहरुको सिस्टम बदल्नु पर्ने भनाई राखेका थिए ।
जसपश्चात चिनियाँ सरकारले उनको कम्पनीका कतिपय उत्पादनमाथि अनौठो गरि प्रतिबन्धसमेत लगाएको थियो ।
यसअघि चीनमा २०१६–०१७ मा चलेको भ्रष्टाचार विरोधी अभियानका क्रममा कतिपय अरबपतिहरु अनौठो गरि गायब भएका थिए । जसपश्चात अधिकांशलाई सार्वजनिक रुपमा देखिएको छैन् । एजेन्सीको सहयोगमा
वि.सं.२०७७ पुस २० सोमवार १५:२३ मा प्रकाशित
