हामी सबैकाे संसारन्यूज

२२ पुस, काठमाडौं । नेपाल कम्युनिष्ट पार्टी (नेकपा) का अध्यक्ष केपी शर्मा ओली पक्षीय विद्यार्थी नेता तथा अनेरास्ववियुका संयोजक ऐन सिंह महरले संगठनको सम्पत्ति सुरक्षाका लागि कडा कदम चाल्न बाध्य हुने बताएका छन् ।

अनेरास्ववियुका सहसंयोजक तथा नेपाल कम्युनिष्ट पार्टी (नेकपा) का अध्यक्ष माधव प्रचण्ड पक्षका विद्यार्थी नेता रन्जित तामाङको नेतृत्वको अनेरास्ववियुले नौ दिने आन्दोलनका कार्यक्रम घोषणा गरेसँगै महरले यस्तो चेतावनी दिएका हुन् ।

‘यसै विषयमा अनेरास्ववियू केन्द्रीय कार्यालय बागबजारमा जम्मा भएर एक झुण्डले संगठन विरोधि क्रियाकलाप गरेको, संगठनको मूल नेतृत्व विरुद्ध तथानाम बोलेको पाइएकोले यस्ता कार्य तत्काल रोक्न आव्हान गर्दछौं,’ संयोजक महरद्धारा बुधबार जारी विज्ञप्तिमा भनिएको छ, ‘साथै संगठनको कार्यालय, लेटर प्याड र अन्य सम्पत्तिको दुरुपयोग नगर्न सचेत गराउँदछौं । यस्ता क्रियाकलाप जारी राखे संगठनात्मक कारबाही गर्न र संगठनको सम्पत्ति सुरक्षाको लागि कडा कदम चताल्न अनेरास्ववियू बाध्य हुनेछ ।’