Sansar News
२२ पुष, काठमाडौँ । राष्ट्रिय प्रजातन्त्र पार्टी(राप्रपा)का अध्यक्ष डा. प्रकाशचन्द्र लोहनीले पौष २७ गतेको पृथ्वी जयन्तीलाई नेपाली राष्ट्रीयता दिवसको रूपमा घोषणा गर्न माग गरेका छन् ।
बुधबार साँझ सामाजिक सञ्जालमार्फत अध्यक्ष डा लोहनीले नेपाली राष्ट्रीयता र पहिचानका प्रबर्तक राष्ट्रनिर्माता पृथ्वी नारायण शाहको सम्झना र सम्मानमा पौष २७ गतेको पृथ्वी जयन्तिलाई नेपाली राष्ट्रियता दिवसको रुपमा घोषणा गर्न सरकारसँग माग गरेका हुन् ।
उनले आफूलाई राष्ट्रबादी भन्ने सरकारले नेपाली राष्ट्रीयता र पहिचानका प्रबर्तकको सम्झना र सम्मान गर्न नसक्नु दुर्भाग्य भएको बताएका छन् ।
सञ्जालमा उनले लेखेका छन् :
“बड़ा महाराजा पृथ्वी नारायण शाहले आफ्नो जिंदगीको अधिकांस समय नेपालको एकीकरणमा बिताउनु भयो र जिंदगी को अंतिम समय सम्ममा नेपालको निर्माताको तहमा पुग्नु भएको हो। नेपाल को अर्थ , परराष्ट्र संस्कृति ,र नेपाली एकता संबंध मा वहाका अभिब्यक्तिहरुले वहालाई राष्ट्रनिर्माताको तह माँ पुर्याएको हो । तर आफुलाई राष्ट्रबादी भन्ने सर्कारले नेपाली राष्ट्रीयता र पहिचान का प्रबर्तक को सम्झना र सम्मान को लागि पृथ्वी जयंती राष्ट्रीय दिवसको रूपमा मनाउने र नेपालका निर्माता प्रति कृतज्ञता ब्यक्त गर्न नसक्नु दुर्भाग्य हो। हामी राष्ट्रीय प्रजातंत्र पार्टी र देसभरीका नेपाली हुन माँ गौरव गर्ने देशभक्तहरु पौस २७ गते को पृथिवी जयंती नेपाली राष्ट्रीयता दिवसको रूपमा घोषणा गर्न मांग गर्दछौ।”
वि.सं.२०७७ पुस २२ बुधवार २०:१० मा प्रकाशित
