हामी सबैकाे संसारन्यूज

२४ पुस, काठमाडौं । संविधानसभा सदस्य परिषद्ले संविधानको मूल मर्म, भावना र मान्यता विपरित गैरसंबैधानिक तरिकाले प्रतिनिधिसभा विघटन गराएको भन्दै गम्भीर ध्यानाकर्षण भएको जनाएको छ ।

परिषद्ले यस्तो कदम निशंकुश र संविधानमाथिको नांङ्गो हस्तक्षेप भएको भन्दै सनकको भरमा गरिएको संसद विघटन गैरसंबैधानिक ‘कू’ मात्र नभएर मुलुकलाई थप जटिलतातिर धकेलेको बताएको छ ।

‘संविधानको निर्माणको क्रममा संविधान बन्नै नदिने शक्तिहरुको तीब्र आक्रोश, हस्तक्षेप र तमाम बाधाहरुलाई पन्छाएर हामी तत्कालिन संविधानसभाका सदस्यहरुको अथक मेहनत र संघर्षको परिणामस्वरुप यो संविधान जारी भएको हो,’ परिषद्का सचिव डोरप्रसाद उपाध्यायद्धारा शुक्रबार जारी विज्ञप्तिमा भनिएको छ, ‘तर, आज ती सबै अग्रगामी प्रयत्न र संघर्षकाविरुद्ध निरंकुश शैलीमा संविधानमाति नै धावा बोलिएको छ । षड्यन्त्र, जालझेल, झुट र बेइमानीका अनगिन्तिी पराकाष्ठाहरु नाघेर यसप्रकारका गैरसंबैधानिक हर्कतहरु गरिएका छन् ।’